ប្រជាពលរដ្ឋ ជាង២០០គ្រួសាររស់នៅក្នុងភូមិព្រែកល្វាស្រុកពញាឮខេត្តកណ្ដាលសំណូមពរដល់ឯកឧត្តមគួចចម្រើនអភិបាលខេត្តកណ្ដាលជួយរកយុត្តិធម៌ឲ្យពួកគាត់

ខេត្តកណ្ដាល:កាលពីព្រឹកថ្ងៃទី២ខែមេសាឆ្នាំ២០២៥
ប្រជាពលរដ្ឋ
ជាង២០០គ្រួសាររស់នៅក្នុងភូមិព្រែកល្វាឃុំពញាឮស្រុកពញាឮខេត្តកណ្ដាល
បានផ្ដុំគ្នាសំណូមពរដល់អភិបាលខេត្តកណ្ដាលឯកឧត្តមគួចចម្រើនមេត្តាជួយរកយុត្តិធម៌ឲ្យអោយពួកគាត់ផង។
ប្រជាពលរដ្ឋបានលើកឡើងថា:ពួកគាត់បានខ្ចីលុយធនាគាទិញដីមាត់ប្រឡាយតាំងពីឆ្នាំ២០១៦ខ្លះទៀតតាំងពីឆ្នាំ១៩៨៦មកម្លេះដោយទិញតៗគ្នាធ្វើសំបុត្របញ្ជាក់ក្បាលដីត្រឹមត្រូវពីមេភូមិអ្នកខ្លះក៏បានសាងសង់ផ្ទះនៅរួចរាល់នឹងអ្នកខ្លះទៀតពុំទាន់មានលុយគ្រប់គ្រាន់ដើម្បីសង់ផ្ទះនៅ។ប្រជាពលរដ្ឋបានបន្ដថា:បន្ទាប់ពីរដ្ឋមានគម្រោងស្ដារប្រឡាយទឹកព្រែកល្វាសាលាស្រុកពញ្ញាឮបានហៅពួកគាត់ទាំង២ភូមិទាំងភូមិព្រែកល្វាខាងជើងនឹងភូមិព្រែកល្វាខាងត្បូងទៅប្រជុំដោយប្រាប់ថា:ពួកគាត់បានសាងសង់លំនៅដ្ឋានលើមាត់ប្រឡាយគឺជាដីរបស់រដ្ឋពេលនោះពួកគាត់ក៌មិនបានប្រកែកអ្វីជាមួយអាជ្ញាធរដែរដោយគាត់បានប្រាប់ថា:រដ្ឋចេញគោលនយោបាយអោយដោយសំណងជាប្រាក់។ហើយអាជ្ញាធរបានដាក់គ្រឿងចក្រមកឈូសឆាយផ្ទះនឹងដីរបស់ពួកអស់រលីងស្រាប់តែអាជ្ញាធរបានសំណងតែដីណាដែលបានសង់ផ្ទះរួចហើយសង១គុណនឹង២ចំណែកដីដែលមានម្ចាស់មិនទាន់បានសង់ផ្ទះអាជ្ញាធរមិនបានសងសំណងអោយទេ។ពួកគាត់ជាង២០០គ្រួសារមានតែដីជំពាក់បំណុលធនាគារពុំទាន់មានលទ្ធភាពសាសង់ផ្ទះនៅឡើយមិនសុខចិត្តបាននាំគ្នាទៅតវ៉ាដល់សាលាស្រុកជាច្រើនដងតែត្រូវបានមន្តីសាលាស្រុកប្រាប់ថា:ដីដែលពុំទាន់បានសាងសង់លំនៅដ្ឋានរដ្ឋគ្មានគោលនយោបាយសងទេព្រោះជាដីរដ្ឋហើយរដ្ឋសងតែដីទាំងឡាយណាដែលមានផ្ទះតែប៉ុណ្ណោះ។
ពួកគាត់មានការងឿងឆ្ងល់គ្រប់ៗគ្នាហើយក៏បានសំណូមពរ
ដល់សម្ដេចហ៊ុនម៉ាណែតមេត្តាជួយរកយុត្តិធម៌ឲ្យបងប្អូនប្រជាពលរដ្ឋដែលរស់នៅក្នុងភូមិព្រែកល្វាឃុំពញាឮស្រុកពញាឮខេត្តកណ្ដាល ផងប្រជាពលរដ្ឋមានដីគ្មានលុយសង់ផ្ទះ បែរជាអត់ដោះស្រាយឲ្យប្រជាពលរដ្ឋទេ ដោះស្រាយឲ្យប្រជារដ្ឋណាដែលមានផ្ទះដូចជាមិនត្រឹមត្រូវសោះបើដោះស្រាយគួរណាស់តែដោះស្រាយទាំងអស់គ្នាបើមិនដោះស្រាយមិនដោះស្រាយទាំងអស់គ្នាទើបបានត្រឹមត្រូវព្រោះដីរដ្ឋទាំងអស់គ្នា៕